దుబాయ్: దుబాయ్‌ పోలీసులు, తల లేకుండా మొండెం మాత్రమే ఉన్న మహిళ మృతదేహానికి చెందిన కేసులో పురోగతిని సాధించారు. మృతురాల్ని ఫిలిప్పీన్‌కి చెందిన మహిళగా పోలీసులు గుర్తించారు. అల్‌ వక్రాలోని యూనివర్సిటీ రోడ్‌లో గడచిన మే నెలలో తలలేని మహిళ మృత దేహం లభ్యమయ్యింది. మనోర్‌మీతా సల్వారో దాదిగా మృతురాల్ని గుర్తించిన పోలీసులు, ఆమె మెయిడ్‌గా పనిచేసినట్లు తేల్చారు. చనిపోవడానికి ఏడు రోజుల ముందు ఆమె స్పాన్సర్‌ నుంచి తప్పించుకున్నట్లు తేలింది. హంతకుడ్ని మృతురాలి బంధువు గ్లిన్‌ అంబ్రోగా పోలీసులు తేల్చారు. 10,000 దిర్హామ్‌లు దోచుకుని ఆమెను హత్య చేసిన నిందితుడు, ఆమె తలను, కాళ్ళను చేతుల్ని నరికేశాడు. నరికివేసిన భాగాల్ని అద్దె కారులో తీసుకెళ్ళి పారవేశాడు. బచ్చర్‌గా హంతకుడు పనిచేస్తున్నట్లు పోలీసులు స్పష్టం చేశారు.