ఓ మహిళతో కలిసి మొత్తం ముగ్గురు వ్యక్తులు హ్యూమన్‌ ట్రాఫికింగ్‌ కేసులో అరెస్టయ్యారు. ఇద్దరు మైనర్‌ బాలికలతో వ్యభిచారం చేయిస్తున్న కేసులో వీరిని అరెస్టు చేశారు. ఇండియాకి చెందిన ఓ బిజినెస్‌ మేన్‌, అలాగే బంగ్లాదేశ్‌కి చెందిన ఓ వ్యక్తి, అలాగే బంగ్లాదేశ్‌కి చెందిన మహిళ కలిసి బంగ్లాదేశ్‌కే చెందిన ఇద్దరు బాలికలతో వ్యభిచారం చేయిస్తున్నారు. బాధిత బాలికలు ఇద్దరూ 18 ఏళ్ళలో లోపువారే. నైఫ్‌లోని ప్రీజ్‌ అల్‌ మురార్‌లో వ్యభిచార కార్యకలాపాలు జరుగుతున్నట్లు పోలీసులకు సమాచారం అందింది. ముందుగా పోలీసులు వచ్చిన ఇన్ఫర్మేషన్‌ కరెక్టేనని నిర్ధారించుకున్నారు. ఆ తరువాత పోలీసులు వ్యూహాత్మకంగా వారిని దుపులోకి తీసుకోవడం జరిగింది. ఈ కేసు తదుపరి విచారణ అక్టోబర్‌ 20వ తేదీకి వాయిదా పడింది.