వరుణ్‌తేజ్‌, లావణ్య త్రిపాఠి జంటగా నటిస్తున్న చిత్రం 'మిస్టర్‌'. ఈ చిత్రం షూటింగ్‌ నిమిత్తంగా కథానాయిక లావణ్య త్రిపాఠితో కలిసి వూటీకి వెళ్తున్నానని హీరో వరుణ్‌తేజ్‌ తన ట్విట్టర్‌ ఖాతా ద్వారా తెలిపారు. దీంతోపాటు లావణ్యతో కలిసి దిగిన సెల్ఫీని పోస్ట్‌ చేశారు. శ్రీను వైట్ల దర్శకత్వం వహిస్తున్న ఈ చిత్రంలో హెబ్బా పటేల్‌ మరో కథానాయికగా నటిస్తున్నారు. నాజర్‌, రఘుబాబు, శ్రీనివాసరెడ్డి, పృథ్వీ, సత్యం రాజేశ్‌ తదితరులు చిత్రంలో నటిస్తున్నారు. కథ: గోపీమోహన్‌, మాటలు: శ్రీధర్‌ సిపాన, ఛాయాగ్రహణం: జె. యువరాజ్‌, సంగీతం: మిక్కీ జె. మేయర్‌.