సౌత్ సినిమా రూపు రేఖలు మార్చేసిన భారీ చిత్రం బాహుబలి. దర్శకధీరుడు రాజమౌళి డైరెక్షన్ లో తెరకెక్కిన ఈ విజువల్ వండర్ కు ప్రస్తుతం సీక్వల్ తెరకెక్కుతున్న సంగతి తెలిసిందే. ఇప్పటికే షూటింగ్ ఆఖరి దశకు చేరుకోగా, ఈ శుక్రవారం చిత్రయూనిట్ మీడియా సమావేశం నిర్వహించనున్నారు. హైదరాబాద్ లో ఏర్పాటు చేయనున్న ఈ కార్యక్రమంలో యూనిట్ సభ్యులంతా పాల్గొంటారు.షూటింగ్ అప్ డేట్స్ తో పాటు ఫస్ట్ లుక్, టీజర్, ట్రైలర్ ల రిలీజ్ డేట్ లపై ఈ ప్రెస్ మీట్ లోనే రాజమౌళి క్లారిటీ ఇచ్చే అవకాశం ఉంది. ఇప్పటికే 2017 ఏప్రిల్ 28న బాహుబలి 2 రిలీజ్ అంటూ ప్రకటించిన యూనిట్ సభ్యులు, అందుకు తగ్గట్టుగా నిర్మాణాంతర కార్యక్రమాలను పూర్తి చేస్తున్నారు.తొలి భాగం కన్నా ఎక్కువ బడ్జెట్ తో మరింత ఉన్నతమైన గ్రాఫిక్స్ తో బాహుబలి పార్ట్ 2ను తెరకెక్కిస్తున్నారు