టాలీవుడ్ హీరో వరుణ్ తేజ్‌ షూటింగ్‌లో గాయపడ్డాడు. యూనిట్ సభ్యులు వెంటనే దగ్గరలోని ఆసుపత్రికి ఈ హీరోని తీసుకువెళ్లారు. ట్రీట్‌మెంట్ చేసిన డాక్టర్లు, పెద్దగా ప్రమాదంలేదని, మూడువారాల రెస్ట్ తీసుకుంటే సరిపోతుందని సలహా ఇవ్వడంతో ఊపిరి పీల్చుకున్నారు. ఈ నేపథ్యంలో షూటింగ్ నిలిపివేసినట్టు టాక్.
శ్రీనువైట్ల డైరెక్షన్‌లో వరుణ్ తేజ్- లావణ్యత్రిపాఠి-హేబాపాటిల్ కాంబినేషన్‌లో 'మిస్టర్' మూవీ ఊటీలో చిత్రీకరణ జరుగుతోంది. కొన్నిరోజులుగా షూట్ అక్కడే జరుగుతోంది. ఐతే, యాక్షన్ సీన్స్ చిత్రీకరిస్తున్న టైంలో కాలుజారి వరుణ్ గాయపడినట్టు ఇన్‌సైడ్ టాక్. ఈ ఫిల్మ్ నెక్ట్స్ షెడ్యూల్ హైదరాబాద్‌లో జరగనుంది. ఐతే, గాయాల వల్ల షూటింగ్ క్యాన్సిల్ చేయాల్సిన అవసరంలేదని హీరో అన్నట్లు సమాచారం.