మనామా: హై క్రిమినల్‌ కోర్ట్‌, ఓ హత్యాయత్నం కేసులో ఓ వ్యక్తికి ఆరు నెలల జైలు శిక్షను సమర్థించింది. 22 ఏళ్ళ నిందితుడు, తన రూమ్‌మేట్‌ని 15 సెంటీమీటర్ల పొడవైన కత్తితో పొడిచాడు. విచారణ సందర్భంగా, చేసిన నేరాన్ని నిందితుడు అంగీకరించాడు. రూమ్‌కి వెళ్ళి చూసినప్పుడు, తన ప్లేస్‌లో బాధితుడు నిద్రించడాన్ని చూసి ఆగ్రహంతో ఊగిపోయాననీ, ఈ క్రమంలోనే దాడి జరిగిందని నిందితుడు చెప్పాడు. ఈ కేసులో బాధితుడ్ని వైద్య చికిత్స కోసం ఆసుపత్రికి తరలించారు. ఆసుపత్రిలో వైద్య చికిత్స అనంతరం బాధితుడు కోలుకున్నాడు.