ప్రపంచ వ్యాప్తంగా తెలుగు ఖ్యాతిని మరింత పెంచిన 'బాహుబలి- ద లాస్ట్‌ లెజెండ్స్‌' యానిమేషన్‌కి సంబంధించిన టీజర్‌ను శనివారం చిత్ర బృందం విడుదల చేసింది. దర్శకుడు ఎస్‌.ఎస్‌. రాజమౌళి తన ట్విట్టర్‌ ఖాతా ద్వారా దీన్ని అభిమానులతో పంచుకున్నారు. బాహుబలి యానిమేషన్‌ సిరీస్‌ను తయారు చేయడానికి ఆర్కా మీడియా, గ్రాఫిక్‌ ఇండియా, అమెజాన్‌ చేతులు కలిపాయని తెలిపారు. ఇంతవరకు ఏ వ్యాణిజ్య సంస్థ చేయని కొత్త ప్రయోగం చేయడం చాలా ఎగ్జైటింగ్‌గా ఉందని పేర్కొంటూ.. 'బాహుబలి' యానిమేటెడ్‌ టీజర్‌ లింక్‌ను పోస్ట్‌ చేశారు. .ప్రభాస్‌, రానా, అనుష్క, తమన్నా ప్రధాన పాత్రల్లో 'బాహుబలి: ది బిగినింగ్‌' చిత్రానికి కొనసాగింపుగా 'బాహుబలి: ది కన్‌క్లూజన్‌'ని తెరకెక్కిస్తున్న సంగతి తెలిసిందే.ఈ చిత్రం ఫస్ట్‌లుక్‌ను చిత్ర బృందం శుక్రవారం సాయంత్రం ఏర్పాటు చేసిన విలేకరుల సమావేశంలో విడుదల చేశారు. అక్టోబరు 23న ప్రభాస్‌ పుట్టినరోజు సందర్భంగా.. 22వ తేదీన తొలి ప్రచార చిత్రాన్ని విడుదల చేస్తున్నారు. వచ్చే ఏడాది ఏప్రిల్‌ 28న ఈ చిత్రం ప్రేక్షకుల ముందుకు రానుంది.