కార్తీ, నయనతార, శ్రీదివ్య ప్రధాన పాత్రల్లో నటిస్తున్న 'కాష్మోరా' చిత్రం ట్రైలర్‌ విడుదలైంది. హీరో కార్తీ తన ట్విట్టర్‌ ఖాతా ద్వారా ఈ ట్రైలర్‌ను విడుదల చేశారు. అతీత శక్తులతో థ్రిల్లర్‌గా భారీ బడ్జెట్‌తో తెరకెక్కిస్తున్న ఈ చిత్రానికి గోకుల్‌ దర్శకత్వం వహిస్తున్నారు. డ్రీమ్‌ వారియర్‌ పిక్చర్స్‌ పతాకంపై ఎస్‌.ఆర్‌. ప్రభు చిత్రాన్ని నిర్మిస్తున్నారు. సంతోష్‌ నారాయణన్‌ సంగీతం అందిస్తున్నారు. దీపావళికి ఈ చిత్రాన్ని ప్రేక్షకుల ముందుకు తీసుకురావడానికి సన్నాహాలు చేస్తున్నట్లు ట్రైలర్‌లో పేర్కొన్నారు. కార్తీ ఈ చిత్రంలో త్రిపాత్రాభినయనంలో కనిపించనున్నట్లు సమాచారం.