కావలిసిన పదార్ధాలు
బేబీ కార్న్‌ - పదిహేను
అల్లం తరుగు - చెంచా
వెల్లుల్లి తరుగు - చెంచా
కొత్తిమీర తరుగు - చెంచా
చక్కెర - కొద్దిగా
నూనె - వేయించడానికి సరిపడా
ఉప్పు - తగినంత
క్యాప్సికమ్‌ - ఒకటి
ఉల్లిపాయ ముక్కలు - అరకప్పు
పచ్చిమిర్చి - రెండు
సోయా సాస్‌ - చెంచా
వెనిగర్‌ - అర చెంచా
మిరియాల పొడి - కొద్దిగా
పిండి కోసం :
మైదాపిండి - 3 స్పూన్లు
జొన్నపిండి - 3 స్పూన్లు
తయారీ విధానం
ముందుగా మైదా పిండిని, మొక్క జొన్న పిండిని, ఉప్పు, మిరియాల పొడి వేసి బాగా కలపాలి. తరువాత నీళ్లు పోసుకుని కార్న్‌ ముంచేందుకు వీలుగా పిండిలా కలుపుకోవాలి. బేబీ కార్న్‌ని రెండు ముక్కలుగా కోయాలి. ఒక్కోదాన్ని పిండిలో ముంచి నూనెలో వేసి వేయించి పక్కన పెట్టాలి. ఇప్పుడు ఒక బాణలిలో ఒక చెంచా నూనె పోసి అందులో ఉల్లిపాయ, పచ్చిమిర్చి, అల్లం, వెల్లుల్లి, క్యాప్సికమ్‌ వేసి వేయించాలి. తరువాత సోయా సాస్‌, ఉప్పు, మిరియాల పొడి, చక్కెరా వేసి బాగా కలపాలి. ఇప్పుడు కొద్దిగా నీళ్లు పోసి మూత పెట్టాలి. సిమ్‌లో ఉంచాలి. ఐదు నిముషాల తరువాత వేయించిన బేబీ కార్న్‌, కొత్తిమీరా వేసి పైన వెనిగర్‌ వేసి స్టవ్‌ ఆఫ్‌ చేయాలి