వైమానిక దాడులతో ఆ ప్రాంతం శిథిలాల గుట్టగా మారింది. శిథిలాల కింద ఎవరో ఉన్నారన్న అనుమానం వచ్చింది. బాలుడి మూలుగు వినిపించింది. సహాయ సిబ్బంది అతనిని సజీవంగా బయటకు తీయగలిగారు. ఈ ఘటన సిరియాలో జరిగింది. నిత్యం బాంబుల మోతలతో దద్దరిల్లే అలెప్పో నగరమది. ఆ రోజు కూడా వైమానిక దాడులు జరిగాయి. అవాస ప్రాంతాల్లోని కొన్ని భవనాలు నేలకొరిగాయి. వాటి కింద సజీవంగా ఉన్నవారి కోసం సిరియా రిస్క్యూ సిబ్బంది వెదకడం మొదలెట్టింది. ఒక చోట మూలుగు వినిపించింది. అక్కడ ఒక బాలుడు సజీవంగా కనిపించాడు. అతనిని బయటకు తీసి వెంటనే ఆస్పత్రికి తరలించారు. సిరియాలో తరచూ ఇలాంటి సంఘటనలు జరుగుతూనే ఉన్నాయి. అయితే ఆస్పత్రికి తరలించాగానే వారు చనిపోతున్నారు.ఈసారి మాత్రం బాలుడు ఆరోగ్యంగా ఉన్నాడని వైద్యులు తెలిపారు. తాజాగా జరిగిన దాడుల్లో 16 మంది మృతిచెందారు.