సింగపూర్‌ లాండ్ ట్రాన్స్‌పోర్ట్ అథారిటీ అద్భుతమైన కార్యక్రమానికి శ్రీకారం చుట్టింది. సింగపూర్ లోకల్ ట్రైన్లలో దీపావళి థీమ్‌ను ప్రవేశ పెట్టారు. ట్రైన్ లోపలి భాగాల్లో హ్యాపీ దీపావళి అంటూ డెకరేషన్ చేశారు. రైల్వే స్టేషన్లలోనూ దీపావళి పండగను సూచించేలా కటౌట్లు, బ్యానర్లు, డిస్‌ప్లేలో ఉంచారు. హిందువులకు ముఖ్యమైన పండగల్లో దీపావళి ఒకటి. అందుకే ఈ పండగకు ప్రాధాన్యం ఇస్తోంది సింగపూర్. గత కొన్నేళ్లుగా ముఖ్యమైన పండగలకు ఇలాంటి థీమ్స్‌ను సింగపూర్ లాండ్ ట్రాన్స్ పోర్ట్ అథారిటీ అందుబాటులోకి తీసుకొస్తోంది. దీపావళి థీమ్ ముగిసిన తర్వాత  క్రిస్‌మస్ పండగను పురస్కరించుకుని మరో థీమ్‌ను రైళ్లలో ప్రవేశ పెట్టనుంది. సింగపూర్ జనాభాలో 10 శాతం భారతీయులున్నారు. అక్కడ దీపావళి పండగను పెద్ద ఎత్తున జరుపుకొంటారు. అందుకే ఈ పండగ సందర్భంగా సింగపూర్ సరికొత్త థీమ్‌ను రైళ్లలో ప్రదర్శిస్తోంది.