మాస్‌ హీరో విశాల్‌, తమన్నా జంటగా సురాజ్‌ దర్శకత్వంలో రూపుదిద్దుకుంటున్న చిత్రం 'ఒక్కడొచ్చాడు'. ఈ చిత్రాన్ని నవంబరులో ప్రేక్షకుల ముందుకు తీసుకురావడానికి సన్నాహాలు చేస్తున్నారు. ఈ నెల 21న చిత్రం టీజర్‌ను కాజల్‌ విడుదల చేస్తున్నారు. ఈ సందర్భంగా నిర్మాత జి. హరి మాట్లాడుతూ.. 'ఈ చిత్రానికి సంబంధించిన మొత్తం షూటింగ్‌ పూర్తయింది. అక్టోబరు 21న సాయంత్రం 6 గంటలకు హీరోయిన్‌ కాజల్‌ చేతుల మీదుగా ఈ చిత్రం టీజర్‌ను విడుదల చేస్తున్నాం. విశాల్‌ కెరీర్‌లోనే 'ఒక్కడొచ్చాడు' ప్రత్యేక చిత్రం.

యాక్షన్‌తోపాటు మంచి మెసేజ్‌తో రూపొందుతున్న కమర్షియల్‌ ఎంటర్‌టైనర్‌ ఇది. నంబరు మొదటి వారంలో ఆడియోను విడుదల చేసి అదే నెలలో సినిమాను కూడా విడుదల చేయడానికి సన్నాహాలు చేస్తున్నాం. ఈ సినిమా విశాల్‌కు తెలుగులో మరో సూపర్‌ హిట్‌ అవుతుంది' అన్నారు.