కావలిసిన పదార్ధాలు 

రొయ్యలు - పావుకిలో 

మైదా - ఒక కప్పు 

కార్న్‌ప్లోర్‌ - ఒక కప్పు 

బ్రెడ్‌ పొడి, కొబ్బరి పొడి - ఒక చెంచా చొప్పున 

కరివేపాకు - కొద్దిగా 

ఎండుమిర్చి - నాలుగు 

కార్న్‌ ప్లేక్స్‌ - ఒక కప్పు 

ఉప్పు - తగినంత 

నూనె - సరిపడా 

గుడ్డు - ఒకటి 

నిమ్మకాయ - ఒకటి 

అల్లం వెల్లుల్లి తరుగు - ఒక స్పూను 

తయారీ విధానం 

ముందుగా రొయ్యల్ని శుభ్రంగా కడిగి వాటికి నిమ్మకాయ, ఉప్పు కలిపి పక్కన ఉంచాలి. దానిలో గిలక్కొట్టిన గుడ్డు సొన కూడా కలిపి, తరువాత కార్న్‌ ప్లోర్‌, మైదాపిండి, కొత్తిమీర తురుము, అల్లం వెల్లుల్లి ముద్ద, కొద్దిగా గరం మసాలా వేసి బాగ కలిపి వేయించిన నూనెలో గోధుమ రంగు వచ్చేవరకూ వేయించి, ఒక టిష్యూ మీద వేసి నూనె పోయేదాకా ఉంచాలి. ఆ తరువాత నాన్‌ స్టిక్‌ పాన్‌ తీసుకొని కొద్దిగా నూనె వేసి, దానిలో సన్నగా తరిగిన వెల్లుల్లి, కరివేపాకు, ఎండుమిర్చి, కొబ్బరిపొడి, బ్రెడ్‌ పొడి వేసి చివరిగా చిన్నగా చిదిమిన కార్న్‌ఫ్లేక్స్‌ వేసి కొద్దిగా వేయించి, తరువాత వేయించి పెట్టుకున్న రొయ్యలను కూడా వేసి కొంచెం అటూ ఇటూ కలిపి తీసేస్తే కార్న్‌ఫ్లేక్స్‌ రొయ్యల ఫ్రై రెడీ.