శరీరంలో తగినంత వాటర్‌ లేకపోతే పెదాలు తెల్లగా పాలిపోయి, ఎండిపోయినట్లుగా అయిపోతాయి. అందుకే తగినంత వాటర్‌ తాగుతూ ఉండాలి. ఇంకా దీంతో పాటు మన ఇంట్లో లభించే ప్రొడక్ట్స్‌తోనే లిప్స్‌ ఎర్రగా మెరిపించుకోవచ్చు. బాదం నూనెలో గులాబీ రేకల పొడి వేసి గాలి చొరబడని డబ్బాలో ఉంచి భద్రపరుచుకోవాలి. దీన్ని ప్రతిరోజూ రాత్రి పడుకునే ముందు పెదాలకు రాసుకుని మర్దన చేసుకోవాలి. ఇలా చేయడం వల్ల పెదాలు గులాబీ రంగులోకి మారడమే కాకుండా పొడిబారడం, పగలడంలాంటి సమస్యలు కూడా తగ్గుతాయి. చక్కెరా, పాలూ, తేనె కలిపిన మిశ్రమాన్ని పెదాలకు రాసి ఒక ఇరవై నిముషాలు మర్దన చేసుకుని ఆరిపోయాక కాటన్‌తో సున్నితంగా తుడుచుకోవాలి. ఇలా చేయడం వల్ల పెదాలపై ఉన్న మృత కణాలు తొలగిపోయి గులాబీ రంగులో అందంగా మెరుస్తాయి. ఇలా చేసిన తరువాత కొద్దిగా గాఢత తక్కువ ఉన్న లిప్‌ బామ్స్‌ వాడితే మరింత అందమైన పెదాలు మీ సొంతం.