మనామా:  మాదకద్రవ్యాలు విక్రయించినందుకు ఒక బహ్రేయినీ వ్యక్తికి పది సంవత్సరాలు జైలుశిక్ష తో పాటు 5000 బి డీ ల జరిమానా విధించారు.ఆంతరంగిక మంత్రిత్వ శాఖలో భాగమైన మాదక ద్రవ్యాల వ్యతిరేక విభాగం అందుకున్న ఒక కిటుకు ఆధారంగా,ఒక రహస్య ఆపరేషన్ నిర్వహించి అనుమానితుడిని అదుపులోనికి తీసుకోవడం జరిగింది.ఆపరేషన్ సమయంలో ఒక రహస్య పోలీసు అధికారికి ప్రతివాది100 బి డి  విలువ చేసే గంజాయి  విక్రయించాడని నివేదికలో పేర్కొన్నారు. గంజాయి విక్రేత అరెస్టు చేసే ముందు పోలీసు అధికారులు ఆ వ్యక్తి  అపార్ట్మెంట్ పై దాడి చేసి అతనికి చెందిన టాబ్ ని స్వాధీనం చేసుకొన్నా తర్వాత అరెస్టు చేశారు.కోర్టులో ఆ వ్యక్తిపై కేసు నమోదు చేసే ముందు పోలీసులు అతని ఇంటి నుండి వివిధ రకాలైన మాదక ద్రవ్యాలను స్వాధీనం చేసుకొన్నారు. దోషిగా అతనిపై పలు కోణాలలో అభియోగాలు మోపి కేసును బలంగా  నమోదు చేశారు.