దోహాలోని ఐలాండ్‌ రిసార్ట్‌లో గల అనంతర స్పా మరియు బ్యాలెన్స్‌ వెల్‌నెస్‌ సెంటర్‌, తొలిసారిగా ఖతార్‌లో నేచరుల్‌ థెరపీని గర్రా రుఫా (డాక్టర్‌ ఫిష్‌) ద్వారా అందిస్తోంది. ఈ చేపల ప్రత్యేకత ఏంటంటే, రఫ్‌ స్కిన్‌ని తొలిచివేయడం. తద్వారా సరికొత్త అనుభూతి కలుగుతుంది. ఈ థెరపీ ద్వారా కొత్త ఉత్సాహంతో ఉంటారని నిర్వాహకులు తెలిపారు. మైక్రో మసాజ్‌లా పనిచేయడం వల్ల రక్త ప్రసరణ మెరుగ్గా ఉంటుందని వారు వివరిస్తున్నారు. డాక్టర్‌ ఫిష్‌తో నింపిన టబ్‌లో కాస్సేపు ఎవరైనా తమ కాళ్ళను ఉంచినట్లయితే ఆ చేపలు వెంటనే తమ పని ప్రారంభించేస్తాయి. 20 నిమిషాల పాటు ఈ అనుభూతిని కల్పించేందుకు నిర్వాహకులు తగిన ఏర్పాట్లు చేశారు.