కార్తీక్‌ సుబ్బరాజ్‌ దర్శకత్వంలో ధనుష్‌ నటించనున్న కొత్త చిత్రం తారాగణంలో దక్షిణాది తారలతో పాటు హాలీవుడ్‌ నటులు కూడా చేరబోతున్నారు. ఈ చిత్రంలో కీలకమైన పాత్ర కోసం ప్రముఖ హాలీవుడ్‌ నటుడు అల్‌ పసినోని సంప్రదించినట్టు తెలుస్తోంది. యూనిట్‌ సభ్యుల సమాచారం మేరకు ఈ చిత్రం షూటింగ్‌ అధికభాగం అమెరికాలోనే జరుగనుంది. దీంతో అల్‌ పసినోని ఒప్పించేందుకు పెద్ద కష్టం కాకపోవచ్చని భావిస్తున్నారు. ప్రస్తుతం చర్చలు జరుగుతున్నాయని, అన్ని సవ్యంగా జరిగితే మరో హాలీవుడ్‌ నటుడు తమిళ తెరపై కనిపించడం ఖాయమని చెబుతున్నారు.