చైనాలోని ఫుగూ ప్రాంతంలో బాంబు పేలుడు సంభవించింది. ఈ ప్రమాదంలో 10మంది అక్కడిక్కడే మృతి చెందగా దాదాపు 147మంది గాయాలపాలయ్యారు. ఈ విషయాన్ని అధికారులు మంగళవారం వెల్లడించారు.ఫూగూలోని జిన్‌మిన్‌ ప్రాంతంలో ఉన్న ఓ నివాస గృహంలో సోమవారం రాత్రి భారీ పేలుడు సంభవించింది. పేలుడు ధాటికి ఇంటి సమీపంలోని ఆసుపత్రి, స్థానిక గృహాలు ధ్వంసమయ్యాయి. ఈ ప్రమాదంలో 10 మంది మృతిచెందగా, సుమారు 147మంది తీవ్రంగా గాయపడ్డారు. ఘటనా స్థలానికి చేరుకున్న పోలీసులు క్షతగాత్రులను చికిత్స కోసం స్థానిక ఆస్పత్రికి తరలించారు. పేలుడుకి గల కారణాలు తెలియాల్సి ఉందని, దర్యాప్తు చేస్తున్నట్లు అధికారులు వెల్లడించారు.