కర్ణాటక మాజీ మంత్రి. మైనింగ్ ఘనుడు గాలి జనార్దన రెడ్డి తన కుమార్తె బ్రహ్మణి పెళ్ళికి రావలసిందిగా ప్రధాని మోదీ, ఏపీ, తెలంగాణా ముఖ్యమంత్రులు చంద్రబాబు, కేసిఆర్ లను స్వయంగా ఆహ్వానించనున్నారు. నవంబరు 16 న బళ్లారిలో ఈ పెళ్లి ఘనంగా జరగనున్న సంగతి తెలిసిందే. ఇప్పటికే అనేకమంది రాజకీయ, సినీ ప్రముఖులకు, సెలబ్రిటీ లకు శుభలేఖలు పంపారు. ఇటీవలే గాలి.. కర్ణాటక ముఖ్యమంత్రి సిద్ద రామయ్యను స్వయంగా కలిసి ఆహ్వానించారు. ఇక టాలీవుడ్, బాలీవుడ్, కోలీవుడ్ ఇండస్ట్రీలనుంచి పెద్ద సంఖ్యలో దిగ్గజాలంతా తరలి రానున్నారని సమాచారం. బాలీవుడ్ స్టార్స్ షారుఖ్ ఖాన్, కత్రినా కైఫ్ వంటి వారు తమ డ్యాన్సులతో అదిరే పర్ఫార్మెన్స్ ఇవ్వనున్నారని తెలిసింది