దుబాయ్‌ మరోసారి ప్రపంచం దృష్టిని ఆకర్షించింది. తొలిసారిగా 1.1 బిలియన్‌ దిర్హామ్‌ల ఖర్చుతో సిటీ ల్యాండ్‌ మాల్‌ని రూపొందించింది. బొటానికల్‌ వండర్స్‌తో, తొలిసారి నేచుర్‌ ఇన్‌స్పైర్డ్‌ మాల్‌ని దుబాయ్‌ సొంతం చేసుకోవడం పట్ల హర్షం వ్యక్తమవుతోంది. 2018 రెండో క్వార్టర్‌లో ఈ మాల్‌ ప్రారంభోత్సవం జరగనుంది. దుబాయ్‌ మిరాకిల్‌ గార్డెన్‌, దుబాయ్‌ బటర్‌ఫ్లై గార్డెన్‌లను నిర్మించిన సిటీ ల్యాండ్‌ గ్రూప్‌, ఈ నేచుర్‌ ఇన్‌స్పైర్డ్‌ మాల్‌ని రూపొందించింది. 1.13 మిలియన్‌ స్క్వేర్‌ఫీట్‌తో ఈ మాల్‌ని సింగిల్‌ లెవల్‌లో తీర్చిదిద్దారు. యాంపీ థియేటర్‌, మినీ వాటర్‌ పార్క్‌, మినీ మారికల్‌ గార్డెన్‌, రిక్రియేషన్‌ వెల్‌నెస్‌ వంటి సౌకర్యాలతో దీన్ని రూపొందించారు. సిటీల్యాండ్‌ గ్రూప్‌ ఛైర్మన్‌ షేక్‌ తాయెబ్‌ బిన్‌ తహ్‌నూన్‌ అల్‌ నహ్యాన్‌ మాట్లాడుతూ, ఫ్యామిలీ ఎంటర్‌టైన్‌మెంట్‌ షాపింగ్‌లో సరికొత్త ట్రెండ్‌ సృష్టించేలా దీన్ని తీర్చిదిద్దినట్లు చెప్పారు. ఏడాదికి 12 మిలియన్‌ సందర్శకులు ఈ మాల్‌ని సందర్శిస్తారని అంచనా వేస్తున్నారు. గ్లోబల్‌ కల్చర్‌ని అలాగే ఆధునికతను మేళవించి ఈ మాల్‌ని రూపొందించారు. హోమ్‌ ఫర్నిషింగ్‌ స్టోర్స్‌, ఎలక్ట్రానిక్‌ ఔట్‌లెట్స్‌, కాస్మొటిక్‌ షాప్స్‌, పర్సనల్‌ మరియు బ్యాంకింగ్‌ సర్వీసులు ఇలా 350 రిటైల్‌ స్టోర్స్‌ ఇందులో పొందుపర్చబడుతున్నాయి.