ఏడుగురు వ్యక్తులకు అత్యున్నత న్యాయస్థానం జీవిత ఖైదు విధించింది. ఇరాన్‌ బ్యాక్డ్‌ హెజ్‌బోల్లా మూమెంట్‌తో లింకులున్నాయన్న అభియోగాల మేరకు ఏడుగురు వ్యక్తులపై కేసులు నమోదయ్యాయి. ఒక ఎమిరేటీ, ఇద్దరు లెబనీస్‌ వ్యక్తులకు జీవిత ఖైదు పడగా, ఇరాకీ మరియు మరో లెబనీస్‌ వ్యక్తికి 15 ఏళ్ళ జైలు శిక్ష విధించడం జరిగింది. ఈజిప్ట్‌కి చెందిన మహిళ, మరో ఎమిరేటీ వ్యక్తికి పదేళ్ళ జైలు శిక్ష పడింది. లెబనాన్‌కి చెందిన హెజ్‌బొల్లా తీవ్రవాద సంస్థకు, ప్రభుత్వానికి సంబంధించిన సమాచారాన్ని అందించినట్లుగా వీరిపై అభియోగాలున్నాయి. గ్యాస్‌ ఫీల్డ్స్‌ అలాగే ఆయిల్‌ ప్రొడక్షన్‌కి సంబంధించిన సమాచారాన్ని చేరవేస్తున్నారనే అభియోగాలూ వీరిపై మోపబడ్డాయి. అరబ్‌ లీగ్‌ మరియు గల్ఫ్‌ కోఆపరేషన్‌ కౌన్సిల్‌, మార్చ్‌లో హెజ్‌బోల్లాని తీవ్రవాద సంస్థగా ప్రకటించాయి. సిరియా అధ్యక్షుడు బషర్‌ అల్‌ అసాద్‌కి మద్దతుగా హెజ్‌బోల్లా పోరాడుతోంది. గల్ఫ్‌ మద్దతిస్తున్న రెబల్స్‌కి వ్యతిరేకంగా ఈ సంస్థ పనిచేస్తోంది.