గతంలో క్యాష్ ప్రైజుల పేరుతో, చమురుతో సుసంపన్నమైన గల్ఫ్ దేశాల ప్రజలను మోసం చేసిన ఘరానా మోసగాళ్లు, ఇపుడు బిలియనీర్ ఐన సౌదీ రాజకుమారుడు హిజ్ హైనెస్ అల్ వలీద్ బిన్ తలాల్, తన 32 బిలియన్ డాలర్లను దానంచేస్తానన్న ప్రకటనను అవకాశంగా తీసుకుని, కొత్త తరహాలో ఉచ్చులు పన్నుతున్నారు! వీరు యూ. ఏ. ఈ లో అనేకమంది ప్రజలకు - తాము సౌదీ యువరాజు తరపునుండి మాట్లాడుతున్నామనీ, మీరు3.2 మిలియన్ డాలర్ల దానానికై ఎంపిక చేయబడ్దారని అభినందిస్తూ, వారి వ్యక్తిగత వివరాలను పంపమంటారు. ఐతే, ఇటువంటి స్కీములు ఆఖరికి వారి బాంకు ఖాతా వివరాలను పంపడంతో, విషాదాంతoగా ముగుస్తాయని, వీటికి వ్యతిరేకంగా అనేక మార్లు హెచ్చరికలు జారీ చేస్తున్నారు.

--సి.శ్రీ(దుబాయ్)