దక్షిణ సూడాన్‌ రాజధాని జూబా ప్రాంతంలో కాల్పులు చోటుచేసుకున్నాయి. జూబాకు సమీపంలోని ఓ పట్టణంలో టీవీలో ఇంగ్లిష్‌ ప్రీమియర్‌ లీగ్‌ ఫుట్‌బాల్‌ మ్యాచ్‌ వీక్షిస్తున్న అభిమానులపై ఓ ముష్కరుడు విచక్షణారహితంగా కాల్పులకు పాల్పడ్డాడు. ఈ ఘటనలో 11 మంది మృతి చెందగా.. 16 మంది గాయపడ్డారు. భద్రతాసిబ్బంది ఘటనాస్థలికి చేరుకొని క్షతగాత్రులను ఆస్పత్రికి తరలించి పరిస్థితిని సమీక్షించారు. ఈ ఘటనపై దర్యాప్తు కొనసాగుతోందని సూడాన్‌ పోలీసు అధికారి డేనియల్‌ జస్టిన్‌ తెలిపారు. ఈ ఘటనకు బాధ్యులుగా ఇంతవరకూ ఎవరూ ప్రకటించుకోలేదని చెప్పారు. .