కొబ్బరి తురుము - కప్పు 

పంచదార - ఒకటిన్నర కప్పు 

మంచి నీళ్లు - కప్పు 

క్యారెట్‌, బీట్‌రూట్‌ తురుము - ఒక కప్పు 

యాలకుల పొడి - సరిపడా 

కుంకుమ పువ్వు - కొద్దిగా 

పాలు - అర కప్పు 

జీడిపప్పు, బాదం పప్పు ఒక్కొక్క స్పూను చొప్పున నేతిలో వేయించి పొడిగా చేయాలి. 

నెయ్యి - 100 గ్రా 

తయారీ విధానం 

గోరువెచ్చని పాలల్లో కుంకుమ పువ్వు వేసి కరిగించాలి. బాణలిలో కొద్దిగా నెయ్యి వేసి కొబ్బరి తురుము తడి పోయేవరకూ వేయించి, మరో పాన్‌లో కొద్దిగా నెయ్యి వేసి బీట్‌రూట్‌, క్యారెట్‌ తురుము వేసి ఐదు నిముషాలు వేయించాలి.మందపాటి గిన్నెలో పంచదార వేసి పాకం పట్టాలి. అందులోనే కొబ్బరితురుము, క్యారెట్‌, బీట్‌రూట్‌ తురుము వేసి ఉడికించాలి. ఇప్పుడు కుంకుమ పువ్వు కలిపిన పాలు, నెయ్యి కూడా వేస్తూ కలపాలి. ఇప్పుడు యాలకుల పొడి, జీడిపప్పు పొడి వేసి బాగా కలుపుతూ, దగ్గరికి అయ్యే వరకూ ఉడికించి నెయ్యి రాసిన ప్లేటులోనికి తీసుకుని సమంగా సర్ది పైన మిగిలిన డ్రైఫ్రూట్స్‌ అన్నీ వేసి, ఆరాకా ముక్కలుగా కోయాలి. అంతే బీట్‌రూట్‌ కొబ్బరి బర్ఫీ రెడీ.