'రోబో' సినిమాలో దర్శకుడు శంకర్‌ చిట్టీ పాత్ర ద్వారా చేయించిన హంగామా ప్రేక్షకులెవరూ అంతసాధారణంగా మర్చిపోలేరు. భారతీయ సినిమాను మరోస్థాయికి తీసుకెళ్లిన సినిమా అది. ఇప్పుడు ఆయన దానికి సీక్వెల్‌ రూపొందిస్తున్నారు. సూపర్‌స్టార్‌ రజనీకాంత్‌ హీరోగా రూపొందుతున్న '2.0' ఫస్ట్‌లుక్‌ను ఆదివారం ముంబయిలో జరిగిన ఓ కార్యక్రమంలో విడుదల చేశారు. దీన్ని ట్విట్టర్‌ ద్వారా శంకర్‌ ప్రేక్షకులతో పంచుకున్నారు. రోబోలోని చిట్టీ పాత్ర రూపురేఖలతో ఉన్న ఈ ఫస్ట్‌లుక్‌లో రజనీ ఆకట్టుకుంటున్నాడు. అక్షయ్‌కుమార్‌ ప్రతినాయకుడి పాత్ర పోషిస్తున్న ఈ చిత్రానికి ఏఆర్‌ రెహమాన్‌ సంగీతం అందిస్తున్నారు.

అమీజాక్సన్‌ కథానాయిక. లైకా ప్రొడక్షన్స్‌ పతాకంపై రూపొందుతున్న ఈ సినిమాను 2017 దీపావళి కానుకగా విడుదల చేసేందుకు సన్నాహాలు చేస్తున్నారు.