ఫ్లోరిడాలోని కేప్‌ కెన్వరల్‌ వైమానికస్థావరం నుంచి (భారత కాలమానం ప్రకారం ఆదివారం ఉదయం గం.5-12) ఉపగ్రహాన్ని ప్రయోగించినట్టు అమెరికాలోని అంతరిక్ష పరిశోధనా కేంద్రం నాసా ( నేషనల్‌ ఏరోనాటిక్స్‌ అండ్‌ స్పేస్‌ అడ్మినిస్ట్రేషన్‌ ) ప్రకటించింది. ఈ ఉపగ్రహం ద్వారా తుఫాను హెచ్చరికలతో పాటు రుతువులు, పర్యావరణ సంబంధిత సమస్యలు తెలుసుకునే వీలుంటుందని తెలిపింది. రానున్న రెండు వారాల్లో ఇది తన కక్ష్యలోకి ప్రవేశించనుందని నాసా సైన్స్‌ మిషన్‌ డైరెక్టర్‌ థామస్‌ జుర్‌బుచేన్‌ తెలిపారు. ఈ ఉపగ్రహానికి జీవోఎస్‌-16 అని నామకరణం చేశామని అన్నారు.