కనెక్టికట్ రాష్ట్రంలోని మాంచెస్టర్ సిటీలో అమెరికన్ ప్రోగ్రెసివ్ తెలుగు అసోసియేషన్ ఆధ్వర్యంలో దీపావళి సంబరాలు ఘనంగా జరిగాయి. నార్త్ ఈస్ట్ రీజినల్ కాన్ఫరెన్స్ వారు నిర్వహించిన దీపావళి వేడుకలకు అమెరికాలోని పలు రాష్ట్రాల నుంచి తెలుగు ఎన్నారైలు కుటుంబ సమేతంగా తరలివచ్చారు. ఈ సందర్భంగా ఏర్పాటు చేసిన సాంస్కృతిక ప్రదర్శనలు  ఎంతగానో అలరించాయి. రఘు కుంచెతోపాటు పలువురు గాయనీ గాయకులు ఆలపించిన పాటలతో వేడుకలకు హాజరైనవారు మైమరచిపోయారు. ఈ కార్యక్రమానికి వైస్సార్సీపీ USA కన్వీనర్ రత్నాకర్ పండుగాయలతోపాటు అనేక మంది సహకరించిన వారందరికీనార్త్ ఈస్ట్ రీజినల్  కాన్ఫరెన్స్ కన్వీనర్ నటరాజు ఇల్లూరి, కో కన్వీనర్ శ్రీధర్ నిశ్శంకరరావు ధన్యవాదాలు తెలిపారు.