నజ్మా ప్రాంతంలో అల్‌ తుమాయా లేన్‌లోని ఓ షాప్‌లో కొందరు దుండగులు దొంగతనానికి యత్నించారు. అయితే దొంగలు గ్లాస్‌ డోర్‌ని ఓపెన్‌ చేసేందుకు ప్రయత్నిస్తుండగా వెలువడిన శబ్దాలకు స్థానికులు అప్రమత్తమై, అక్కడికి వెళ్ళగా అది గమనించిన దొంగలు పారిపోయారు. ఈ విషయాన్ని స్థానికులు పోలీసులకు తెలియజేశారు. తుమాయా పరిసరాల్లో ఈ తరహా దొంగతనాలు ఇటీవలి కాలంలో ఎక్కువగా జరుగుతున్నాయి. చలికాలం కావడంతో తొందరగా ప్రజలు నిద్రకు ఉపక్రమిస్తుంటారు. ఇది అదనుగా చేసుకుని దొంగలు, దొంగతనాలకు యత్నిస్తుండడం జరుగుతుంది. దొంగతనాలకు సంబంధించి పలు ఫిర్యాదులు వస్తున్నాయనీ, వాటిని విచారిస్తున్నామని పోలీసులు తెలిపారు.