జెడ్డా: జెడ్డా సౌత్‌ ఈస్ట్‌లోని ఓ ఫెన్స్‌ యార్డ్‌లో ట్యాంకర్‌కి మంటలు అంటుకున్న ఘటనలో నలుగురు వ్యక్తులు గాయాలపాలయ్యారు. ఈ ఘటనపై సివిల్‌ డిఫెన్స్‌ ప్రతినిథి కల్నల్‌ సయీద్‌ సర్‌హాన్‌ మాట్లాడుతూ, సంఘటన గురించి తెలియగానే సివిల్‌ డిఫెన్స్‌ ఘటనా స్థలికి చేరుకుని మంటల్ని ఆర్పి వేసిందనీ, అలాగే సౌది రెడ్‌ క్రిసెంట్‌ మెడిక్స్‌ గాయపడినవారిని దగ్గరలో ఉన్న ఆసుపత్రులకు చికిత్స నిమిత్తం తరలించారని తెలిపారు. కల్నల్‌ తలాల్‌ బెదైవి సూపర్‌విజన్‌లో సివిల్‌ డిఫెన్స్‌ ఆపరేషన్లు నిర్వహించబడుతున్నాయి. అగ్ని ప్రమాదాలు సంభవించినప్పుడు వాటిని నిలువరించడానికి సివిల్‌ డిఫెన్స్‌ పాత్ర ఎంతో కీలకంగా ఉంటోందనీ వేగంగా ఘటనా స్థలికి చేరుకోవడం ద్వారా ప్రమాద తీవ్రతను వీలైనంత త్వరగా తగ్గించగలుగుతున్నట్లు సివిల్‌ డిఫెన్స్‌ వెల్లడించింది.