అతి తక్కువ ధరలో లభించే ఆకుకూర పాలకూర. ధర తక్కువే కానీ దీనితో మన ఆరోగ్యానికి చేసే మేలు చాలా ఎక్కువ. విటమిన్‌ ఎ అధికంగా లభించే పాలకూర కళ్లకు చాలా మంచిది. దీనిలో ఐరన్‌ పుష్కలంగా లభిస్తుంది. శరీరానికి ఆక్సిజన్‌ సరఫరా చేసే ఎర్రరక్త పని తీరును సక్రమంగాఉంచేందుకు ఐరన్‌ ఉపయోగపడుతుంది. పాలకూరలోని పోషకాలు మన శరీరంలోని అనేక రకాల ఇన్ఫెక్షన్ల దాడిని అరికడతాయి. అంతేకాదు పాలకూరను తరచూ తీసుకోవడం వల్ల ఆకలి తగ్గడంతో పాటు, ఉప్పు, చక్కెర ఎక్కువగా ఉన్న పదార్ధాలు తీసుకోవాలనే కోరిక తగ్గిపోతుంది. దీనికికారణం పాలకూరలోని థైలకాయిడ్లు. ఈ ధైలకాయిడ్డు కొవ్వు త్వరగా జీర్ణం కాకుండా చూడడం వల్ల తొందరగా ఆకలి అన్పించదు. అంటే కడుపు నిండుగా ఉందన్న ఫీలింగ్‌ కలిగేలా పాలకూరలోని థైలకాయిడ్లు చేస్తాయి. తద్వారా అనవసరమైన తిండి తినకుండా ఉండగలం. ఆటోమెటిగ్గాఅధిక తిండిని కంట్రోల్‌ చేసుకుని బరువు కంట్రోల్‌ చేసుకోగలుగుతాము. ఎముకల ఆరోగ్యానికి తోడ్పడే విటమిన్‌ కె పాలకూరలోని అత్యధికంగా లభిస్తుంది.