నోట్ల రద్దు సినీ పరిశ్రమకు పెద్ద ఇబ్బందిని తెచ్చిపెట్టింది. ఒక వైపు సినిమా షూటింగ్స్ నిలిచిపోగా.. మరోవైపు అనుకున్న సమయానికి చిత్రాలు విడుదల కావడం లేదు. డిసెంబర్ 2న ధృవ సినిమాను విడుదల చేయాలని నిర్ణయించినప్పటికీ నోట్ల రద్దు కారణంగా విడుదల చేయలేకపోతున్నామని చిత్ర నిర్మాత అల్లు అరవింద్ తెలిపారు. రామ్ చరణ్ హీరోగా నటిస్తోన్న ఈ చిత్రం డిసెంబర్ 9న ప్రేక్షకుల ముందుకు రానుందని చెప్పారు. నోట్ల రద్దు నేపథ్యంలో ఈ నిర్ణయం తీసుకున్నామని తెలిపారు. ఇప్పుడున్న పరిస్థితుల్లో ప్రేక్షకులు థియేటర్లకు వస్తారనుకోవడం లేదన్నారు. ఈ చిత్రానికి సంబంధించిన థియేట్రికల్ ట్రైలర్ ను చిత్ర యూనిట్ తాజాగా విడుదల చేసింది.