బాలీవుడ్‌ కథానాయకుడు హృతిక్‌ రోషన్‌ అక్కినేని హీరో అఖిల్‌ను కలిశారు. ఈ విషయాన్ని అఖిల్‌ తన ట్విట్టర్‌ ఖాతా ద్వారా తెలుపుతూ.. ఆనందం వ్యక్తం చేశారు. హృతిక్‌ లాంటి సూపర్‌స్టార్‌ని కలవడం ఆనందంగా ఉందని, ఆయన వ్యక్తిత్వం, నటన చాలా బావుంటాయని అన్నారు. మళ్లీ తనను కలవడానికి సమయం తీసుకోండి సర్‌ అంటూ హృతిక్‌కు ధన్యవాదాలు తెలిపారు. ఈ సందర్భంగా హృతిక్‌తో కలిసి దిగిన ఫొటోను షేర్‌ చేశారు. ఈ ట్వీట్‌కు హృతిక్‌ వెంటనే స్పందించారు. 'ధన్యవాదాలు అఖిల్‌, నిన్ను కలవడం చాలా సంతోషంగా ఉంది. నాన్నను, కుటుంబ సభ్యులను అడిగానని చెప్పు' అంటూ ట్వీట్‌ చేశారు.