కావలసిన పదార్థాలు : బోన్‌లెస్‌ చికెన్‌- 200గ్రా, ఆకుపచ్చ క్యాప్సికం - 25గ్రా, కలర్‌ క్యాప్సికం - 50గ్రా, రెడ్‌చిల్లీ పేస్ట్‌- 10గ్రా, టమాట సాస్‌ - 10గ్రా, అల్లం - 10గ్రా, వెల్లుల్లి - 10గ్రా, ఎండు మిరపకాయలు -మూడు, కార్న్‌ఫ్లోర్‌ - 25గ్రా, రిఫైన్డ్‌ఫ్లోర్‌- 25గ్రా, నూనె - మూడు స్పూన్‌లు, ఉల్లిపాయలు(గుండ్రంగా తరిగినవి)- కొన్ని, కోడిగుడ్లు- రెండు.
తయారుచేయు విధానం : ముందుగా చికెన్‌ ముక్కలుగా కట్‌ చేసుకుని కార్న్‌ఫ్లోర్‌, రిఫైన్డ్‌ఫ్లోర్‌ కలుపుకోవాలి. తగినంత ఉప్పు వేసుకుని కోడిగుడ్లను గిలక్కొట్టి అందులో వేసి కలుపుకోవాలి. ఈ మిశ్రమాన్ని కొద్దిసేపు ఫ్రై చేసుకోవాలి. ఇప్పుడు ఒక పాత్రలో నూనె వేసి కాస్త వేడి అయ్యాక అల్లం, వెల్లుల్లి, ఎండు మిరపకాయలు వేసి వేయించుకోవాలి. తరువాత క్యాప్సికం, కలర్‌ క్యాప్సికం, టమాట సాస్‌, తగినంత ఉప్పు వేసుకోవాలి. ఇందులో చికెన్‌ మిశ్రమాన్ని వేసి మరికాసేపు ఫ్రై చేసుకోవాలి. చివరగా తరిగిన ఉల్లిపాయలతో గార్నిష్‌ చేసుకోవాలి.