పెద్ద నోట్ల రద్దు ప్రభావంతో కొద్దిరోజులుగా తగ్గుతూ వస్తున్న బంగారం ధర మళ్లీ పెరిగింది. శనివారం నాటి ట్రేడింగ్‌లో 24 క్యారెట్ల స్వచ్ఛమైన బంగారం రూ.180 పెరిగి రూ.27,930కి చేరింది. ధర తగ్గుతుందని భావించిన బంగారు షాపుల వారు అత్యధిక స్థాయిలో కొనుగోళ్లు చేస్తుండడంతో బంగారం ధర పెరింగిందని మార్కెట్ వర్గాలు తెలిపాయి. బంగారంతో పాటు వెండి ధర కూడా పెరిగింది. రూ.50 పెరిగిన కిలో వెండి రూ.39,650కు చేరింది. వెండి ధర మాత్రం పారిశ్రామిక వర్గాల నుంచి స్వల్పంగా డిమాండ్‌ ఉండటంతో ధర పెరిగింది. అంతర్జాతీయంగా 0.57శాతం పెరిగిన బంగారం ధర 1,134.60 డాలర్లకు చేరింది.