తెలంగాణ బతుకమ్మ విశిష్టతను విదేశాల్లో చాటి చెప్పిన తెరాస ఎంపీ కవితకు ఖండాంతర ఖ్యాతి లభించింది. బ్రిటన్, ఆస్ట్రేలియా, న్యూజిలాండ్ లతోబాటు పలు దేశాల్లో కవిత ఎత్తుకున్న బతుకమ్మ స్టాంప్ సైజు ఫొటో అందర్నీ ఆకర్షిస్తోంది.

ఈ ఫోటోపై బతుకమ్మ శుభాకాంక్షలు అని తెలుగులో ఉండడం విశేషం. ఆస్ట్రేలియా తెరాస విభాగం అధ్యక్షుడు నాగేందర్ రెడ్డి, జాగృతి వైస్-ప్రెసిడెంట్ రాజీవ్ సాగర్ తదితరులు సోమవారం కవితను తెలంగాణా భవన్ లో కలిసి ఈ పోస్టల్ స్టాంప్ ను ఆమెకు అందజేశారు. తెలంగాణ బతుకమ్మకు అరుదైన గౌరవం దక్కిందని, ఇదెంతో ఆనందదాయకమని కవిత పేర్కొన్నారు.