ఇండోనేషియాలో బుధవారం ఉదయం భూకంపం సంభవించింది. భూకంపం తీవ్రత రిక్టర్‌ స్కేలుపై 6.6 గా నమోదైందని భూకంప అధ్యయన కేంద్రం అధికారులు వెల్లడించారు. 'మలుకు బరాత్ దయ' ప్రాంతానికి ఈశాన్యంగా 184 కిలోమీటర్ల దూరంలో, భూమిలోపల 173 కిలోమీటర్ల లోతులో భూకంప కేంద్రం ఉన్నట్లు అధికారులు వెల్లడించారని జిన్హువా వార్తా సంస్థ వెల్లడించింది.

భూకంప కేంద్రం చాలా లోతులో ఉన్నందున ఇది అంత ప్రమాదకరమైనది కాదని, సునామీ హెచ్చరికలు జారీ చేయలేదని అధికారులు వెల్లడించారు. భూకంప ప్రభావంతో ఎలాంటి ఆస్తి, ప్రాణనష్టం జరిగినట్లు ఇప్పటివరకు గుర్తించలేదని ఇండొనేషియా నేషనల్‌ డిజాస్టర్‌ మేనేజ్‌మెంట్‌ ఏజెన్సీ ప్రతినిధి సుటోపో పుర్వో నుగ్రొహొ వెల్లడించారు.