కువైట్లో నిర్మాణ వ్యర్థాలు.. ఓనర్లకు కీలక సూచనలు..!!
- October 01, 2026
కువైట్ : నిర్మాణం, కూల్చివేత, మరమ్మతుల పనుల సమయంలో ఏర్పడే వ్యర్థాలను తొలగించి, నిర్దేశిత ప్రాంతాల్లో పారవేయాల్సిన బాధ్యత ప్రాపర్టీ యజమాని లేదా కాంట్రాక్టర్దే అని కువైట్ మునిసిపాలిటీ స్పష్టం చేసింది. ఈ పనులు మునిసిపాలిటీ పరిధిలోకి రావని తెలిపింది. నిర్మాణ పనులకు సంబంధించిన ఒప్పందాల్లోనే నిర్మాణ వ్యర్థాలను తొలగించే బాధ్యతను స్పష్టంగా పేర్కొనాలని యజమానులకు అల్జహ్రా గవర్నరేట్ సేఫ్టీ విభాగం డైరెక్టర్ అల్-హుమైదీ అల్-ముతైరీ సూచించారు.
ఇక పనుల పరిమాణాన్ని బట్టి నిర్మాణ వ్యర్థాలను 3 నుంచి 7 రోజుల్లో తొలగించేలా కాంట్రాక్టర్లతో ఒప్పందాల్లో నిబంధన చేర్చాలని ఆయన తెలిపారు. నిర్మాణం, మరమ్మతులు లేదా కూల్చివేత పనులు జరుగుతున్న ప్రాంతాల ముందు తగిన వ్యర్థాల కంటైనర్లు ఏర్పాటు చేసే అంశాన్ని కూడా కాంట్రాక్టుల్లో చేర్చాలని సూచించారు. ఇటీవల నిర్మాణ ప్రదేశాల వద్ద ఇలాంటి కంటైనర్ల వినియోగం పెరిగిందని మునిసిపాలిటీ తెలిపింది.
మునిసిపాలిటీ నిర్వహిస్తున్న ‘బిల్డ్, డోంట్ డిస్ట్రాయ్’ ప్రచారంలో భాగంగా నిర్మాణ వ్యర్థాలపై ప్రత్యేక దృష్టి సారిస్తున్నట్లు అధికారులు తెలిపారు. నిర్మాణ వ్యర్థాలను తొలగించే బాధ్యత కాంట్రాక్టర్దేనని ఒప్పందంలో పేర్కొన్న సందర్భాల్లో, నిబంధనలు పాటించకపోతే కాంట్రాక్టర్లపై ఉల్లంఘన చర్యలు తీసుకోవచ్చని అల్-ముతైరీ తెలిపారు.
అయితే ప్రైవేట్ ఇళ్లలో అనుమతి లేకుండా చేపట్టే చిన్నపాటి మరమ్మతుల పనుల వల్ల వ్యర్థాలు ఏర్పడితే, అవసరమైన సందర్భాల్లో ఆస్తి యజమానిపై ఉల్లంఘన నమోదు చేసే అవకాశం ఉంటుందని చెప్పారు.
ప్రాపర్టీ యజమానులు, కాంట్రాక్టర్లు భద్రతా నిబంధనలను తప్పనిసరిగా పాటించాలని అల్-ముతైరీ కోరారు. నిర్మాణ వ్యర్థాలను ఇళ్ల ముందు లేదా బహిరంగ ప్రదేశాల్లో పోగు చేయకుండా, మునిసిపాలిటీ నిర్దేశించిన ప్రాంతాల్లోనే పారవేయాలని అధికారులు సూచించారు.
తాజా వార్తలు
- తెలంగాణలో SIR గడువు మళ్లీ పొడిగించిన ఎన్నికల సంఘం
- ఒమన్లో వాహనాలు, కంప్యూటర్ల చోరీ.. నిందితుడి అరెస్ట్..!!
- సౌదీ అరేబియాలో భారీ వర్షాల హెచ్చరిక.. అలర్ట్ జారీ..!!
- బహ్రెయిన్లో చిల్డ్రన్ డే..ప్రత్యేక అవసరాలున్న చిన్నారులతో భారత రాయబారి..!!
- దుబాయ్ ఎయిర్పోర్టులో ‘ఫ్యాషన్ అవెన్యూ’..!!
- ఖతార్ లో సముద్ర విజ్ఞానంపై చిన్నారులకు ప్రత్యేక శిక్షణ..!!
- కుప్పకూలిన రష్యా సైనిక విమానం.. 17 మంది మృతి
- ఎయిర్పోర్టుల్లో తగ్గనున్న CISF సిబ్బంది సంఖ్య!
- ఒమన్లో ఉల్కల పరిశోధనపై ప్రత్యేక పుస్తకం విడుదల..!!
- సౌదీలో భారీగా ఫేక్ ఇంజినీరింగ్ సర్టిఫికెట్లు గుర్తింపు..!!







