మిడిల్‌ ఈస్ట్‌లో అతి పెద్ద థీమ్‌ పార్క్‌ డెస్టినేషన్‌ దుబాయ్‌ పార్క్స్‌ అండ్‌ రిసార్ట్స్‌ అధికారికంగా వ్యాపార కార్యకలాపాల్ని ప్రారంభించింది. దీనికి సంబంధించిన ప్రారంభ వేడుకను అంగరంగ వైభవంగా నిర్వహించారు. దుబాయ్‌ పార్క్స్‌ అండ్‌ రిసార్ట్స్‌లో మూడు ప్రత్యేకమైన థీమ్‌ పార్క్స్‌, ఓ వాటర్‌ పార్క్‌, అత్యద్భుతంగా తీర్చిదిద్దబడ్డ డైనింగ్‌ మరియు రిటెయిల్‌ డిస్ట్రిక్ట్‌, పోలినేషియన్‌ థీమ్‌డ్‌ ఫ్యామిలీ హోటల్‌ వంటివి ఇందులో పొందుపర్చారు. లెగోల్యాండ్‌ దుబాయ్‌ ఇందులో మరో ప్రధాన ఆకర్షణ. మోషన్‌ గేట్‌ దుబాయ్‌ పేరుతో హాలీవుడ్‌ ఇన్‌స్పైర్డ్‌ పార్క్‌ ఇంకో ప్రధాన ఆకర్షణ కానుంది. బాలీవుడ్‌ థీమ పార్క్‌ని కూడా ఇందులో ఏర్పాటు చేశారు. రివర్‌ ల్యాండ్‌ దుబాయ్‌తో ఈ మొత్తం డెస్టినేషన్‌ని కనెక్ట్‌ చేశారు. ప్రారంభోత్సవ వేడుకలో ఈ మొత్తం డెస్టినేషన్‌కి సంబంధించిన వివరాల్ని షోకేస్‌ చేశారు. బాలీవుడ్‌ మ్యూజికల్‌ షో, డాన్సింగ్‌ షో ఈ వేడుకలో ప్రధాన ఆకర్షణలు. దుబాయ్‌తోపాటు మొత్తం మిడిల్‌ ఈస్ట్‌లోనే ఇది ప్రత్యేకమైన డెస్టినేషన్‌ అని డిఎక్స్‌బి ఎంటర్‌టైన్‌మెంట్స్‌ సిఇఓ, దుబాయ్‌ పార్క్స్‌ అండ్‌ రిసోర్ట్స్‌ అధిపతి రయీద్‌ కజూర్‌ అల్‌ నౌమి చెప్పారు.