దుబాయ్‌: వింటర్‌ అధికారికంగా ప్రారంభమైంది. ఉష్ణోగ్రతలు రోజురోజుకీ పతనమవుతున్నాయి. యూఏఈలోని పర్వత ప్రాంతాల్లో ఇప్పటికే కనిష్టంగా 9 డిగ్రీల ఉష్ణోగ్రత నమోదయ్యింది. అల్‌ అయిన్‌కి 35 కిలోమీటర్ల దూరంలో ఉన్న దమ్సా ప్రాంతంలో చలి తీవ్రత చాలా ఎక్కువగా ఉంది. చలికాలం ప్రారంభమవడంతో ప్రజలు వెచ్చని వాతావరణం కోసం పరితపిస్తున్నారు. తమ శరీరాన్ని వెచ్చగా ఉంచుకునేందుకు వింటర్‌ వేర్‌ని ఆశ్రయించడం జరుగుతోంది. కోస్టల్‌ ఏరియాస్‌లో 24 డిగ్రీలు నమోదవుతుండగా, ఇంటర్నల్‌ ఏరియాస్‌లో 27 డిగ్రీల వరకూ ఉష్ణోగ్రతలు నమోదవుతున్నాయి. ఉదయం చాలా సమయంపాటు పొగ మంచు కన్పిస్తోంది. అలాగే సాయంత్రం కూడా పొగమంచు ఎక్కువగానే ఉంటోంది. నేషనల్‌ సెంటర్‌ ఫర్‌ సెస్మాలజీ అండ్‌ మెటియరాలజీ, వాహనదారులు అప్రమత్తంగా ఉండాలనీ, రోడ్లపై పొగమంచు కారణంగా విజిబులిటీ చాలా బ్యాడ్‌గా ఉంటుందని హెచ్చరించింది. శుక్రవారం వరకు పాక్షికంగా మేఘావృతమైన ఆకాశం ఉంటుందని వాతావరణ పరిస్థితుల్ని వివరించింది ఎన్‌సిఎంఎస్‌.