మెక్సికోలో భారీ పేలుడు సంభవించింది. రద్దీగా ఉండే బాణసంచా మార్కెట్‌లో చోటుచేసుకున్న ఈ పేలుడు ధాటికి అక్కడున్న దుకాణాలన్నీ తగలబడిపోయాయి. ఈ సంఘటనలో 31 మంది చనిపోగా.. మరో 72 మంది తీవ్రంగా గాయపడ్డారు. క్రిస్మస్‌, కొత్త సంవత్సరం వేడుకల కోసం బాణసంచా కొనేందుకు పెద్దఎత్తున జనం వచ్చారు. మధ్యాహ్నం 2:50 గంటల సమయంలో పేలుడు సంభవించిన తర్వాత దుకాణాలకు మంటలు వ్యాపించడంతో వాటిలోని టపాసులన్నీ పేలిపోయినట్లు ప్రత్యక్ష సాక్షులు తెలిపారు.