స్వదేశంలో ఇంజనీరింగ్ లేదా మెడిసిన్ చేయాలనుకొనే ఒమాన్లోని భారతీయ విద్యార్ధులకు సరయిన  తగిన కోచింగ్ సెంటర్లు లేకపోవడం ఒక పరీక్షగా తయారయింది. ఎంట్రన్స్ పరీక్షలకు హాజరవదానికి ప్రతి సంవత్సరం, ఇంచుమించు 10,000 మంది  విద్యార్ధులు 12 వ తరగతి ఉత్తీర్ణులై, భారత రాష్ట్ర మరియు కేంద్ర ప్రభుత్వాలు నిర్వహించే ఎంట్రన్స్ పరీక్షలలో పాల్గొనే అర్హత సంపాదిస్తున్నారు. కాగా, భారత దేశ వ్యాప్తంగా, మెడికల్ కౌన్సిల్ ఆఫ్ ఇండియా వారి అనుమతి పొందిన కళాశాలల్లో 50,000 మెడికల్ సీట్లు లభ్యమౌతుండగా, 14,73,871 ఇంజనీరింగ్ సీట్లు ఉన్నాయి. ఇక IIT లలో 10,000; 25 NIT లలో 15,000; IIITలలో 1000 సీట్లు ఉన్నాయి. కానీ, మిలియన్ల మంది విద్యార్ధులు హాజరవుతున్నందున, పోటీ తీవ్రంగా ఉంటుందని, అతి శ్రేష్టులకే సీటు దక్కుతుందని, కాస్త మంచి రాoకులు పొందలేనివరరకి, ప్రైవేటు కాలేజీల్లో పెమెంటు సీట్లు తప్ప దిక్కులేదని, అది అందుబాటులో లేనిదని ఒమాన్  లోని భారతీయ స్కూల్ లో చదువుతున్న రాయ్ జొసెఫ్ అనే విద్యార్ధి వాపోయాడు. ఇక ఇలాంటి విద్యార్ధులు  ఇండియాకు వెళ్ళి అక్కడి కోచింగ్ సెంటర్లలో చేరడమో లేక అంత ప్రభావవంతమైనది కాకపోయినా, ఆన్ ఆన్ లైన్ కోచింగ్ ద్వారా తయరుకావడమో మాత్రమే వారు చేయగలిగింది!

--నూనె లెనిన్ కుమార్(ఒమాన్)