మెగాస్టార్‌ 150వ సినిమా 'ఖైదీ నెంబర్‌ 150' పాటలు డైరెక్ట్‌గా మార్కెట్‌లోకి వచ్చేశాయి. ఆ పాటలు మెగాభిమానులను ఉర్రూతలూగిస్తున్నాయి. ముఖ్యంగా 'అమ్మడూ లెట్స్‌ డూ కుమ్ముడు' పాట మార్మోగిపోతోంది. అయితే ఈ పాట గురించి ఓ ఇంట్రస్టింగ్‌ గ్యాసిప్‌ ఒకటి బయటికొచ్చింది. ఈ ట్యూన్‌ను మొదటిగా ఎన్టీయార్‌ నటించిన 'జనతాగ్యారేజ్‌' కోసం సిద్ధం చేశాడట మ్యూజిక్‌ డైరెక్టర్‌ దేవీశ్రీప్రసాద్‌. ఆ ట్యూన్‌ దర్శకుడు కొరటాల శివకు కూడా బాగా నచ్చిందట. అయితే ఎన్టీయార్‌ మాత్రం ఆ ట్యూన్‌తో పెద్దగా ఇంప్రెస్‌ కాలేదట. దాంతో దేవీ మరో ట్యూన్‌ సిద్ధం చేశాడట. అదే 'నేను పక్కా లోకల్‌' ట్యూన్‌. అది అందరికీ నచ్చడంతో ప్రొసీడ్‌ అయిపోయారు.