రాజ్‌తరుణ్‌, హెబ్బాపటేల్‌ జంటగా వెలిగొండ శ్రీనివాస్‌ దర్శకత్వంలో రూపుదిద్దుకుంటున్న చిత్రం 'అంధగాడు'. నూతన సంవత్సర శుభాకాంక్షలు చెబుతూ చిత్ర బృందం రెండు పోస్టర్లను విడుదల చేసింది. ఒక పోస్టర్‌లో రాజ్‌తరుణ్‌ కంటికి అడ్డంగా నల్లటి వస్త్రాన్ని కట్టుకోగా, మరో దానిలో అంధుడి పాత్రలో నటిస్తున్న రాజ్‌తరుణ్‌ ఏకంగా కథానాయిక హెబ్బాపటేల్‌ చేయిపట్టుకుని రోడ్డు దాటిస్తున్నట్లు ఈ ఫస్ట్‌లుక్‌లలో చూపించారు.
ఏకే ఎంటర్‌టైన్‌మెంట్స్‌ పతాకంపై రామబ్రహ్మం సుంకర 'అంధగాడు' చిత్రాన్ని నిర్మిస్తున్నారు. రాజేంద్రప్రసాద్‌, రాజా రవీంద్ర, షాయాజీ షిండే, పరుచూరి వెంకటేశ్వరరావు తదితరులు ఈ చిత్రంలో ప్రధాన పాత్రలు పోషిస్తున్నారు.