నవంబర్‌ మరియు డిసెంబర్‌లలో రోడ్డు ప్రమాదాలకు కారణమైన 23 మంది వ్యక్తుల డ్రైవింగ్‌ లైసెన్సుల్ని రద్దు చేయడం జరిగిందని జనరల్‌ డైరెక్టరేట్‌ ఆఫ్‌ ట్రాఫిక్‌ - ట్రాఫిక్‌ కల్చర్‌ డైరెక్టర్‌ చెప్పారు. ఇందులో 21 మంది బహ్రెయినీ డ్రైవర్లు కూడా ఉన్నారు. వీరిలో ఓ మహిళా డ్రైవర్‌ కూడా ఉండడం గమనించదగ్గది. ప్రమాదాలు ముఖ్యంగా నిర్లక్ష్యపూరితమైన డ్రైనింగ్‌ అలాగే రెడ్‌ సిగ్నల్‌ జంపింగ్స్‌ వల్లన జరుగుతున్నాయి. తమ డిపార్ట్‌మెంట్‌, ఎప్పటికప్పుడు ప్రమాదాలపై అప్రమత్తంగా వ్యవహరిస్తోందని, ఉల్లంఘనులపై కఠిన చర్యలు తీసుకుంటున్నామని డైరెక్టర్‌ చెప్పారు. వాహనాలు నడిపే సమయంలో ప్రతి ఒక్కరూ అప్రమత్తంగా ఉండాలనీ, రోడ్‌ సేఫ్టీ నిబంధనల్ని పాటించాలని విజ్ఞప్తి చేశారాయన.