నేడు కతార్ లో కొన్ని ప్రాంతాలలో మరింత వర్షపాతం కురిసే అవకాశముండగా, దోహాలో మాత్రం వాతావరణం పొడిగా, ఎండగా ఉంటుందని దేశ వాతావరణ శాఖ తెలిపింది. నిన్న దేశంలో ఉరుములు, ఇసుక దుమారాలు, తీవ్ర గాలులతో కూడిన వర్షపాతం నమోదైన విషయం తెలిసిందే! ఇక నేడు, వాతావరణం మబ్బు పట్టి, నిస్తేజంగా ఉంటుందని, మధ్యాహ్నం నుంచి కొన్ని ప్రాంతాలలో ఉరుములతో కూడిన వర్షాలు పడతాయని వాతావరణ శాఖ వారు తెలిపారు. ఉత్తర ప్రాంతం లోని అల్ రువైశ్ లో ఉరుములు మెరుపులతో కూడిన వర్షాలు, మరియు దుఖాన్, అబూ సమ్రా లలో సాధారణ వర్షాలు కురుస్తాయని; దోహా, అల్ ఖోర్ మరియు మెస్సైద్  లలో వాతావరణం పొడిగా, ఆహ్లాదకరంగా ఉంటుందని వారి అంచనా. ఇక దేశంలోని వివిధ ప్రాంతాలలో ఉష్ణోగ్రత నిన్నటి మాదిరిగానే, కనీస ఉష్ణోగ్రత 29 డిగ్రీలు, గరిష్ట ఉష్ణోగ్రత 41 డిగ్రీలుగా ఉంటుంది. దోహాలో ఉష్ణోగ్రత 32 నుండి 39 డిగ్రీల సెంటిగ్రెడు మధ్య ఉంటుందని కూడా శాఖ అధికారులు తెలిపారు.

--వి.రాజ్ కుమార్(మాగల్ఫ్ ప్రతినిధి,కతార్)