ఖమ్మం : గ్రీన్‌సన్‌ ఇన్నోవేటివ్స్‌, జైహిత ఆర్ట్స్‌ సమర్పణలో నిర్మించిన 'ఇక సెలవ్‌' చిత్రం పదో తేదీన రెండు రాష్ట్రాల్లో విడుదల చేస్తున్నట్టు ఆ చిత్ర నిర్మాత గన్నవరపు చంద్రశేఖర్‌ తెలిపారు. నగరంలోని ప్రెస్‌క్లబ్‌లో ఏర్పాటుచేసిన విలేకరుల సమావేశంలో ఆయన మాట్లాడుతూ... 'ఇక సెలవ్‌' చిత్రం ఖమ్మంలో 50 శాతం చిత్రీకరించారని, మిగిలిన భాగం హైదరాబాద్‌, వైజాగ్‌ నగరాల్లో చిత్రీకరించామని పేర్కొన్నారు. ఈ చిత్రం హీరోగా సాయి రవి, హీరోయిన్‌గా దీప్తి నటించినట్టు ఆయన తెలిపారు. ఈ చిత్రంలో ఎక్కువగా జిల్లాకు చెందిన ఆర్టిస్టులు ఉన్నారని ఆయన పేర్కొన్నారు. ఈ సమావేశంలో చిత్ర దర్శకుడు డి.
నాగరాజు, సహనిర్మాతలు రవి, పేర్యానాయక్‌, కళాకారులు కిరణ్‌, రంగరాజు, లాల్‌జాన్‌పాషా, రామారావు, సతీష్‌, రాజేశ్వరరావు పాల్గొన్నారు.