అబుదాబీ క్రౌన్‌ ప్రిన్స్‌, యూఏఈ ఆర్మ్‌డ్‌ ఫోర్సెస్‌ డిప్యూటీ సుప్రీమ్‌ కమాండర్‌ షేక్‌ మొహమ్మద్‌ బిన్‌ జాయెద్‌ అల్‌ నహ్యాన్‌ సమక్షంలో సామూహిక వివాహాలు జరిగాయి. అల్‌ మష్రిఫ్‌ ప్రాంతంలో జరిగిన ఈ వేడుకలో పెద్ద సంఖ్యలో వధూవరులు పాల్గొన్నారు. 31 జంటలు ఈ సందర్భంగా వివాహం చేసుకున్నాయి. ముష్రిఫ్‌ మజ్లిస్‌ ఈ కార్యక్రమాన్ని నిర్వహించింది. అబుదాబీలోని ముష్రిఫ్‌ ప్రాంతం ఈ వేడుకకి వేదికయ్యింది. షేక్‌ హమదాన్‌ బిన్‌ జాయెద్‌ అల్‌ నహ్యాన్‌, షేక్‌ సురూర్‌ బిన్‌ మొహమ్మద్‌ అల్‌ నహ్యాన్‌, షేక్‌ సయీద్‌ బిన్‌ జాయెద్‌ అల్‌ నహ్యాన్‌ సమా పలువురు ప్రముఖులు ఈ వేడుకకి హాజరయి, నూతన వధూవరులను ఆశీర్వదించారు. స్థానికులు కూడా పెద్దయెత్తున ఈ కార్యక్రమానికి హాజరయ్యారు. అధికారులు సైతం పెద్ద సంఖ్యలో హాజరై ఈ అద్భుతమైన వేడుకని తిలకించారు.