పాకిస్థాన్‌ సహా ఐదు ముస్లిం మెజారిటీ దేశాల వారిపై కువైట్‌ నిషేధం విధించింది. సిరియా, ఇరాక్‌, ఇరాన్‌, పాకిస్థాన్‌, ఆఫ్ఘనిస్థాన్‌ దేశీయులకు వీసాలు జారీ చేయడాన్ని నిలిపేసింది. అమెరికా అధ్యక్షుడు డొనాల్డ్‌ ట్రంప్‌ ఏడు ముస్లిం మెజారిటీ దేశాలపై తాత్కాలిక నిషేధం విధించిన సంగతి తెలిసిందే. ఈ కోవలోనే కువైట్‌ కూడా ఐదు దేశాలపై ఆంక్షలు విధించింది. ఈ ఐదు దేశాల వలసదారులు, శరణార్థులు వీసాకు దరఖాస్తు చేసుకోవద్దని వెల్లడించింది. అతివాద ఇస్లామిక్‌ ఉగ్రవాదులు వలస వస్తారనే ఆందోళనతో ఈ చర్యలు తీసుకున్నట్లు కువైట్‌ ప్రభుత్వం తెలిపింది. అయితే అమెరికా కంటే ముందుగానే కువైట్‌ సిరియా దేశీయులపై నిషేధం విధించింది. కువైట్‌ 2011లోనే సిరియన్లకు వీసాలు జారీ చేయడాన్ని నిలిపేసింది.