బర్వా విలేజ్‌ ది వరల్డ్‌లో అదనంగా రెసిడెన్షియల్‌ అపార్ట్‌మెంట్లు, షాప్‌లు, సూపర్‌ మార్కెట్స్‌ ఇతరత్రా సౌకర్యాల్ని కల్పించడం ద్వారా విస్తరణ కార్యక్రమాలు చేపట్టనున్నారు. ఇందుకోసం 63 మిలియన్‌ ఖతారీ రియాల్స్‌ ఖర్చు చేయనున్నారు. బర్వా రియల్‌ ఎస్టేట్‌ కంపెనీ ఈ వివరాల్ని వెల్లడించింది. ఇషా కంపెనీ - డబ్లుఎల్‌ఎల్‌ సంస్థకు ఈ మేరకు కాంట్రాక్ట్‌ కూడా ఇచ్చారు. 'బర్వా విలేజ్‌ ఎక్స్‌టెన్షన్‌' పేరుతో కొత్త ప్రాజెక్ట్‌ చేపట్టనున్నారు. జనాభా పెరుగుదల నేపథ్యంలో బర్వా విలేజ్‌ని ఎక్స్‌పాండ్‌ చేయాలని నిర్ణయించారు. ఎక్కడా రాజీ పడకుండా అత్యాధునిక సౌకర్యాలతో సర్వాంగ సుందరంగా ఈ విస్తరణ జరగనుంది. 56 షాప్‌లు, 10 ఫుడ్‌ అండ్‌ బెవరేజ్‌ యూనిట్స్‌, నాలుగు యాంకర్‌ స్టోర్స్‌, సూపర్‌ మార్కెట్‌ వంటివి ఈ విస్తరణలో భాగంగా నిర్మించనున్నట్లు తెలియవస్తోంది.