జెడ్డా: సౌదీ పాస్‌పోర్ట్‌ డిపార్ట్‌మెంట్‌, కొత్త ఎలక్ట్రానిక్‌ పోర్టల్‌కి సంబంధించి సూచనలు, సలహాలు అందించాల్సిందిగా పౌరులు, నివాసితులను కోరింది. జనరల్‌ డైరెక్టరేట్‌ ఆఫ్‌ పాస్‌పోర్ట్స్‌ సరికొత్తగా ఎలక్ట్రానిక్‌ పోర్టల్‌ని మలచనుంది. జునాద్రియాలో ఇటీవలే ఈ పోర్టల్‌ ఇంగ్లీషు మరియు అరబిక్‌ భాషల్లో రూపొందింది. జనరల్‌ డైరెక్టరేట్‌ ఆఫ్‌ పాస్‌పోర్ట్స్‌కి సంబంధించిన సమాచారంపై నేషనల్‌ హెరిటేజ్‌ ఫెస్టివల్‌లో అభిప్రాయ సేకరణ కూడా జరిగింది. ఈ అభిప్రాయ సేకరణ ద్వారా మెరుగైన సౌకర్యాలు కల్పించడమే కాకుండా, కొన్ని అపరిష్కృత సమస్యలకు పరిష్కారం కూడా దొరికే అవకాశం ఉందని జనరల్‌ డైరెక్టరేట్‌ ఆఫ్‌ పాస్‌పోర్ట్స్‌ అధికార ప్రతినిథి తలాల్‌ అల్‌ షలౌబ్‌ చెప్పారు. జర్నలిస్టులు కూడా ట్విట్టర్‌ అకౌంట్‌ ద్వారా సూచనలు, సలహాలు అందించవచ్చని తెలిపారాయన. లాంగ్వేజ్‌ని సెలక్ట్‌ చేసుకుని, ఫేస్‌బుక్‌ లేదా ట్విట్టర్‌ అకౌంట్‌ ద్వారా రిజిస్ట్రేషన్‌ చేసుకుని, సలహాలు సూచనలు అందించవచ్చు.